enrollment and frist day blues

magaling magaling..
kinailangan ko pang bumalik sa ikalawang araw para makapagbayad lang..
nakakatuwa talaga ang sistema ng enrollment ng UP..
University of Pila talaga!
bakit bakit???
napakahaba ng pila, napakabagal ng pagproseso..
lahat na lamang NAPAKA..

halos magmakaawa ako para makakuha ng majors..
kahit na ano lamang, sabi ko..
pero wala, wala talaga..
hindi ako pinagbigyan..
buti na lamang, buti na lamang talaga..
napakabait ng departamento ng Filipino..
nakakuha ako ng tatlong subject sa kanila..
at ang isa ko pang GE ay kinailangan kong i-cancel para makuha ang sikolohiya ng wikang filipino..
naswertihan pa din ako dahil wala pang tatlong oras ay naka-20 units na agad ako..

napakatagal ng pila para sa lahat ng dapat na tapusin..
sa post-advising, validation and checking..
bakit ba hindi malagyan ng matinong sistema para naman hindi nahihirapan ang bawat isa..
nakakapagod kaya tumayo at pumila ng napakatagal na panahon!

hindi pa ako nakaabot sa validation..
bumalik pa ako kinabukasan para pumila ulit..
hai, kawalan ng sistema talaga!
buti na lamang ay madali na nung umaga, at dalawang oras pa lamang ako sa palma hall ay nakapagbayad na agad ako..
pasalamat na lamang sila at natapos ako agad..

ang unang araw ng klase ay talagang disaster..
alas-siyete ang pasok ko at hindi dumating ang propesor..
gusto ko nang maiyak sa pagkainis..
at ang maganda pa dun..
ung kasunod kong klase ay hindi din nagpakita ang prof ko..
tae tae talaga..
basta talaga first day, hindi na dapat pumapasok ang mga estudyante!

hai, reklamo lang naman ang magagawa ko..
kasi siyempre, mahal ko pa din ang UP at wala akong balak na iwanan ito dahil sa medyo bulok na sistema ng enrollment at sadyaang hindi pagpasok ng mga propesor sa unang araw ng klase..

masaya pa rin ako at nakapag-enroll ako..
at masaya akong gusto ko ang lahat ng klase ko ngayong semestre. :)